تعذيب السجناء المصريين:: بالفيديو

بصراحة بصراحة يعنى حكومة وسخة وواللى بيعملوا فى الناس بيدل على وساختهم اكتر واكتر

تعالوا شوفو الفيلمين دول والتعذيب اللى فيهم




والتانية معرفش شكلها بت اتخدت اداب ولا ايه بس شوفوا بقى الخرطوم الاحمر وهو نازل على جسمها




لأ وبيقولوا يلا يا احمد محسسنى انه بيمثل فيلم اكشن بروح امه

حسبى الله ونعم الوكيل فيهم كلهم من اول ابو جيمى لحد بيبو العادلى معلش بقى بدلعهم وكده





ولك الله يا مصر

متقولى ايه اللى مقريفك يللى شعبك كيفك

طب يعنى ابتدى الموضوع ببجاحة االداخلية وبطلجيتها ولا ببرود حكومة مزيل البقع

الدكتور نظيف ولا بستعباط ابو جيمى ولا بالمصايب

اللى عاملة تتحدف على راس اللى جبونا طب متيجوا نخلينا فى وكستنا الكبيرة ) اه هوا

فى غيره يعنى هو وكستنا وقدرنا) ابو جيمى

ونشوف اللى بيحصل فينا من وراه من كل حاجة تخطر على بالنا من نهب واستبداد

وسجون ومعتقلات وزيادة اسعار وناس بتموت

بالالاف فى الحوادث بسبب اهمال ام الحكومة البايظة ده غير طبعا اللى بيحصل خارج

المحروسة من تخاذل وتنفيض عينى عينك على اللى

بيحصل فى الدول المغلوب على امرها(العراق /لبنان / فلسطين) ولأ مش كده كمان ده

احنا كمان بنشجب وندين اخوانا اللى بيقاموا وبيدافعوا

عن امه بأكلمها (فوق يا عم شوية انتا مالك بتتكلم بلسان النظام ليه) ولما الشعب يطلع

فى مظاهرة

يا حول الله يبقى اعتقالات وسجون وظباط فرحنين بشنابتهم والدبابير على كتفهم

ويعملوا معانا الواجب الصح ويمسكوا فينا طب كل ده ليه ؟

عشان ابو جيمى متقريف شوية من اللى بيحصل طب وابو جيمى متقريف ليه؟

عشان العم سام هيزعل منه وممكن يشيله من على الكرسى وطبعا ابو جيمى لازق فى

الكرسى ولازم يبقى شطور وحلو ويسمع الكلام وينفذ

كلام العم سام طيب واحنا مال اهلنا مال الشعب مال اللى مترمين فى السجون والمعتقلات

انهم يتعذبوا فى السجون وينتهك عرض شبابنا

لرجالة وبعديه عرض حريمهم اللى بيغتصبوهم قدام عينهم ويا سلام على ادوات التعذيب

اللى من كل لون اللى بتعدى عليهم نفر نفر ذنبهم

انهم عايزين يعيشوا بكرامتهم وحريتهم زى بقية البنى ادميين ده لو فى بنى ادمين اصلا

يبقى المفروض بقى ابو جيمى يفوق شوية من اللى

هوا فيه ده وعايزين جيمى ابنه يعقله بقى عارف انه بابا فى سن الزهايمر ومش حلو

علشانه نيجى بقى للحق واحنا الى مفروض نعمله يعنى

الا ونبقى شعب معندوش دم يعنى:

يا جماعة حرام اللى بنعمله فى ابو جيمى ده احنا حتى ظلمنيه مش كفاية يا حرام مخلى

ولاد معاه فى السلطة وبيظطب لأبنه الحكم من بعدهى

عشان يشيل هموم الناس ومخلى عياله سايبه شغلها ومصالحها اللى بالمليارات من دم

الشعب المغلوب على امره ومشيل ولاده هم الشعب ده

ومدخلهم معاه فى مشاكل الشعب

لا وكمان ام جيمى يعنى الست مش ملاحقة مستشفيات ومكتبات وحفلات وندوات على

قفا شنبات كل فى سبيل ابو جيمى طبعا لأ احنا

ظالمين العايلة دى معانا حتى أسالوا نفسكوا كده ((ايوا بالظبط كده زى زى مخطر على

بالكم انا كمان قولت كده))

يعنى من الاخر كده العايلة كلها طالع عينيها قولوا امين واحنا مش عاجبنا لا ده ظلم

وافترا كمان عايزين بقى نريح ابوجيمى ومراته وعياله

يعنى هما يبقى طالع عين اللى جابوهم مش بعيد عن ربنا يعنى واحنا كمان هنصدعهم

بمظهارتنا لأ احنا ظلمة يا شعب.

سؤال اخير لأبو جيمى؟؟

متقولى ايه اللى مقريفك يللى شعبك كيفك؟؟

بلا جواز بلا نيلة .. خليك كده مقضيها سرمحة مع البنات

بلا جواز بلا نيلة.. خليك نحلة.. ولف على كل وردة شوية..وافضل شم فيها حتى الاكتفاء

الحب جميل للى عايش فيه صح؟ طب لو ما تكلمناش عن كل هذه الاشياء اللى بتخلى ((الحياة حلوة بس نفهمها)) ولو حبينا نتكلم عن ازاى

نفضل فى هذه الحلاوة وازاى نفضل محتفظين بهذا الحب الرائع بالرغم من الكثير من الخناقات مع البيه الحبيب او الست هانم الحبيبة او مع

الست والدتك بشبشبها الرائع ايضا علطول ..ازاى؟هنعيش الوهم مثلا وهتعمل زى توم وجيرى انك هتربط الطرف الاخر بسلسلة حديد

وجره وراك على الطريق.. ده غير انك كتبت عقد جوازكم فى الشهر العقارى من اول يوم حبيتوا بعض فيه وبشرط جزائى مقابل ثروة

الوليد بن طلال . فى كتير مننا بيخاف يسيب حبيبه ولو افترق بيحب يلاقى بديل وبسرعة وتلاقى الشلة يقولوا عليك هوائى((حلوة كلمة

هوائى دى)) المهم لأمؤخذاة ..وتحس انك عملت جريمة لا تغتفر لك ولازم يراق على جوانبه الدم((الله يرحمك يا قصرى)) على الجريمة

بتاعتك يعنى بس لازم تدافع عن وجهة نظرك يا مان وبما انك اتنيلت وبتحب الحب لأنه جميل والحوارات دى بالرغم من كل همه ونكده

على عين اللى بيحبوا وبما انك ما بتقدرش تستنى يوم من غير حب .. عادى , دافع عن رأيك وعن طبيعتك انك هوائى - لا مؤاخذة -

وعامل زى الفراشة وايه يعنى , طب بالزمة مش فيه بنات كتير حلوين ومزز وشباب روشيين طحن وكمان الله جميل بيحب الجمال ما

تضيعش يوم من غير ما تحب ((كده وكده يعنى)) وخاصة مرحلة ما قبل اللى بيسموه جواز مرحلة الجواز العقيمة واللى هتخليك تتحول من

فراشة الى برغوت لابد فى البيت والى ان تتحول زوجتك الى انثى خنفسا خنقة وحاجة مكلكعة كده ((عذرا للمتزوجين بس دى الحقيقة لا

هنكدب)) عيش ايامك يا عم والبنات برضه ياريت يبطلوا حوارتهم بتاعت الافلام العربى بتاعة الحب الاول .. ولما نفتكر فيلم الحب الاول

بتاع مصطفى قمر ومنى ذكى وحنان ترك اللى مغلوب على امرها اللى يا عينى كانت طول الفيلم بتحب واحد بيحب واحدة تانية اللى هيا منى

ذكى ولما نفتكر الفيلم النكد ده هنلاقى حنان ترك فضلت الفيلم كله تتعذب عشان واحد .. هيه صحيح كانت بتموت فيه بس كان ممكن تنقل

على حد تانى اللى هوا هانى رمزى اللى كان بيحبها ومعرفش فيها يعنى وكانوا حبوا بعض وخلاص لكن هنقول ايه احنا فى زمن بنحب اللى

بيكرهنا وبنكره اللى بيحبنا ولازم نتدهول عشان عشان نحب .. بس يا صدقونى الحب حلو ليه بقى نعذب نفسنا وليه نربط نفسنا بواحد

طول العمر .. حد يقولى يا كازانوفا هنعمل ايه؟؟ انا اقولك خليك زى النحلة - مش داير علطول - لف على كل الورود ((البنات ))..

وافضل استنشقها حتى النخاع وحتى الثمالة ((حلوة الثمالة دى)) استنزف حبها .. حبك لن يدوم وشبابك لن يدوم .. فانتهز اى فرصة ..

وخليك ندل يا معلم .. وعلى رأى ((الخيام)) يقول فى احدى رباعيته (ما اضيع اليوم الذى مر دون ان اعشقا / اولى بهذا القلب فى ضرام

الحب ان يحرقا )او تقريبا حاجة زى كده .. المهم المعنى يوصلك وتعرف مصلحتك.

عن اذنكم عشان انا واصحابى رايحين نستنشق حبة ورد كده بس ورد بلدى
انتظروا الموضوع القادم
((يا ترى العريسين بيبقوا فرحنين وهمه فى الكوشة ..والناس عاملة تتفرج عليهم؟!

الحب زى الرز لازم تتقلوا عليه شوية لغاية ما يستوى !

الحب زى الرز لازم تتقلوا عليه شوية لغاية ما يستوى !
بجد حبنى قوى و شدنى ليه من أول مرة شوفته ..
جملة بتسمعها كتيير من أى واحدة أو واحد
بعد معرفة الطرف التانى بدقائق أو حتى ساعات
طيب الإحساس المتلهوج المتسرع دا جه إمتى وإزاى معرفش ..

تلاقى الواحد أو الواحدة من دول أو لما تشوفه وتبصله تحس من شكله أو لبسه إنه مختلف وتقول فى مخها أيوه هو دا وهو فى نفس الوقت يلعب فى مخه نفس الحوار إللى نشأ نتيجة إن الإثنين أول مرة يشوفو بعض مش أكتر .

ويتطور الموقف من خلال النظرات المتبادلة بين الإثنين (تبقى مصيبه لو واحد فيهم نظره

ضعيف ) وبيتطور أكتر واكتر لما يقفوا يتعرفوا على بعض صحيح بيبقى وقع الصدمة كبير

لما يبدأ كل واحد منهم فى الكلام يعنى هو يلاقيها مش بتتكلم بنفس طريقة الكلام الجذابة إللى

كان رسمها لها فى خياله أول ماشفها من 5 دقائق ولا هى تلاقى صوته دافى زى ما كان

شكله بيدل بس بينتهى المشهد الجامد ده بنصر لكلا الطرفين وبتتبادل أرقام التليفونات..

* ألو ياسمين تصورى مادانيش غير 65 ميسد وماكلمنيش إلا 7 مرات من الصبح ..
* عادى يا بنتى أكيد وراه شغل أصبرى شوية معلش دى كانت صاحبتى ،

ونرجع للمتلهوجين المتسرعين اللى بيفضلوا طول الليل بعد تبادل الرهائن قصدى نمر

التليفونات يبصوا للنمرة ويسبلولها على أساس إن النمرة بتدل على شخصية صاحبها ( نمرة الولد إللى فيها رقم 6 كتيير معناها إنو بتاع بنات ونمرة البنت إللى فيها رقم 4 كتيير معناها

إن البنت بتحب تشتغل الأولاد .. شوفتو الفلسفة) ! .

وأثر البحلقة للنمرة يؤدى إلى تخيل إن النمرة بتنبض وبتدق دقات أسرع من دقات قلب

التنين الأخضر والاشتغالة الأكبر إن فيه بعض البنات تقولك دى النمرة دافية بجد دا شكله

بيحبنى لأ هيحبنى أهه لو يبعت sms حتى دا كان قلبى ينهار من هزات الفيبريشن

المتوحشة ويفضل الطرفين على كده لغاية ما واحد يقرر يرفع سماعة التليفون ويكلم الثانى

..

* ألووو ياسمين إلحقينى تخيلى ما رنش من 3 دقائق ونص مش قادرة أفكر أو استحمل .

* يابنتى اتقلى واهدى على الرز لغاية ما يستوى ..
لا وممكن يشيط لو قلبته بقولك أنا هاكلمه وخلاص .. معلش صاحبتى تانى بس خلونا مع

المتسرعين و المتلهوجين إللى يفضلوا يتكلموا و يتكلموا ثم يتكلموا وبعد ذلك يتكلموا ودا

على اعتقاد منهم إنهم لما يتكلموا كتيير دا هيسرع التهاب المشاعر من الأصل .. ودا طبعاً

مش صحيح لأنهم بيعملوا ذى ست البيت البليدة إللى بتبقى عايزة تعمل أكلة سريعة فى ثوانى

فبتطلع حاجة متجمدة وشبعانه ثلج من الفريزر وتدخلها الميكرويف علشان تستوى صحيح

بيبقى شكلها سخن وجميل بس بيبقى لسه فيها ثلج وطعمها وحش وطبعاً ضار صحياً .

بعد فترة من مكالمات ودخولات وخروجات وعتابات وآهات المتلهوجين المتسربعين واللى

هما أنفسهم مش عرفين دا كله على أساس إيه أصلاً بيوصلوا كل واحد فيهم للحقيقة المرة

والبشعة إللى وصلولها بعد عناء وتعب .. تخيلوا إيه يطلعوا مش بيحبو بعض ولا ينفعوا

لبعض أصلاً

انفراد انا بكره حسنى مبارك للنجم شعبان عبد الرحيم

http://www.sendspace.com/file/18icez

اغنية تودى امن الدول عدل هههههههههههه

مع كل التقدير لهيفاء وهبي فأرجو أن يتسع صدرها‏ أكثر شويه

مع كل التقدير لهيفاء وهبي فأرجو أن يتسع صدرها‏,‏ أكثر شويه وتتحمل وجهة نظر مختلفة شوية عن وجهات النظر التي تلاحقها إينما

ذهبت‏..‏ ولنتأمل سويا أغنيتها الاخيرة‏.‏ بوس الواوا حيث هي في الأغنية أم تدلل ابنها الصغير الغارق في الشامبو والشيكولاتة وفقاقيع

الصابون‏..‏ وبغض النظر ـ إن استطعتم ـ عن ملابس هيفاء الساخنة أمام طفل لايزال في مرحلة الرضاعة إلا أن طريقتها في تدليل الطفل

المحظوظ سيكون لها نتيجة من اثنتين‏..‏ إما أن الطفل سيصاب بحالة نمو مبكر وبالتالي لن يعيش طفولته وإما أنه لن ينفطم أبدا وسيظل طفلا

مدي الحياة‏..‏ حد يسيب الدلع ده كله ويروح الحضانة ولا المدرسة‏!!‏ الواد ده ح يقضيها منزلي‏,‏ ولقد تأثرت كثيرا لحال هذا الطفل لدرجة

أنني فاتحت زوجتنا ذات مرة ونحن نشاهد بوس الواوا‏..‏ أنا نفسي نتبني الولد ده‏..‏ فنظرت نحوي شذرا وقالت‏..‏ واشمعني ده‏..‏ قلت لها عشان

أعوضه الحنان اللي أنا مش لاقيه‏..‏فلاش باك سريع يستعرض طفولتي وأنا في سن الواد ده‏..‏ حينما كان أهلي يدللونني‏..‏ بقلمين علي وشي أو

قرصة في لباليبي أو قفا حلو كده علي خفيف أحيانا شلوت في السريع‏..‏ في اعجاب واضح من السيد الوالد بنبوغي المبكر‏..‏ وحينما جرحت

نفسي كأي طفل شقي في هذا العالم‏..‏لم يقل لي أبي بوس الواوا وإنما خلع الحزام وهات ياضرب‏..‏ بتعور نفسك يا أهبل‏..‏ وأنا أصرخ‏..‏ آه‏..‏ آه

كفاية‏..‏ حرمت‏..‏ وهكذا علي صوت صراخي ينتهي فلاش باكي لأعود للمقال أو بالأحري للكليب‏,‏ حيث نام الطفل البريء الذي أحقد عليه

من

كل قلبي‏..‏ علي ركبتيها وقد بدا عليه الارهاق من كتر الدلع‏..‏ وهي تحسس علي شعره بحنان‏..‏ لدرجة أن الدمعه فرت من عيني‏..‏ وإذ برجل

يطرق الباب في هذه الساعة‏..‏ من بالباب؟‏!‏ واضح من نظرته أنه ليس أبوالطفل طبعا‏..‏ ماهو لو كان أبوه‏..‏ كان طلع يبص ع الواد مايقفش

تحت‏..‏ قلت ربما ارادت هيفاء أن تستعين بصديق فاذا بها تنزل بفستان أحمر حكاية‏..‏ والواد في ايدها‏..‏ مع انه كان نائما منذ لحظة واحدة‏..‏

طفل رضيع ياناس يخرج في انصاص الليالي ويسهر في ديسكو وأنا قاعد في البيت زي قرد قطع؟‏!‏ ثم تتركه هيفاء مع الرجل اللي مش

طايق الطفل ولا طايق منظره من أول لحظة‏..‏ وتطلع هي علي البيست لترقص وتغني بوس الواوا‏..‏ ويصهلل الوله آخر صهلله‏..‏ وتنتهي

السهرة قبل الفجر‏..‏ ويعود الثلاثة‏..‏ الصديق الذي أخذ بومبة والليلة راحت ع الفاضي‏..‏ وهي تبتسم في خبث جميل عشان المقلب اللي عملته

في الراجل‏,‏ أما طفلنا فقد كسب الجولة وعمال يدي الراجل علي قفاه طول السكة‏,‏ولقد تأثرت كثيرا لحال هذا الرجل لدرجة أنني فاتحت

زوجتنا ونحن نشاهد بوس الواوا أنا نفسي أقف جنب الراجل ده‏..‏ فنظرت نحوي شذرا وقالت تقف جنبه فين‏..‏ قلت لها في المرمطة اللي هوه

فيها دي‏..‏ قالت زوجتنا وانت تعرفه منين‏..‏ قلت لها‏..‏ اعرفه طبعا‏..‏ اعرفه كويس‏..‏ ده صاحب رجب نظرت نحوي مندهشة وقالت‏..‏ رجب

مين؟ قلت لها هي مش غنت رجب حوش صاحبك عني أهو ده بأه يبقي صاحب رجب بس رجب مقدرش يحوشه عنها لأنها اساسا نفضت

لرجب وقلبته‏.‏ فيه حد سامع حاجة عن رجب دلوقت ؟‏!‏ خلاص‏..‏ أخد يومينه واتكل علي الله‏..‏ قالت زوجتنا انت مش ملاحظ أن دي تاسع مرة

نتفرج علي الأغنية دي‏,‏ قلت لها لانها عامرة بمشاعر الأمومة وانت تعلمين أن هذه نقطة ضعفي‏..‏ قالت في غيظ أي أمومة فيماتري‏..‏ الولد

مستحمي بميه سخنه ومنزلاه بالليل في عز البرد‏..‏آه من هؤلاء الزوجات يشغلن أنفسهن بأمور صغيرة لا معني لها‏..‏ الست تقوم بواجبها

علي أكمل وجه‏..‏ البيبي أخد الشاور بتاعه وحكت له حدوته قبل النوم وحجزت له ترابيزة ع البيست في أحسن نايت كلوب‏..‏ ح تقطع

نفسها‏..‏ولقد تأثرت كثيرا لحال هيفاء وهي تحاول أن توفق بين واجباتها المنزلية واعبائها الأخري لدرجة أنني فاتحت زوجتنا ذات مرة وأنا

اشاهد بوس الواوا للمرة الخمسمائة‏..‏ وقلت لها‏..‏ أنا عاوز أطلعها في برنامج الست دي أمي‏..‏ فنظرت نحوي شذرا و‏...‏ لا لم تقل شيئا هذه

المرة‏..‏ كان جنبها فازه‏..‏ أمسكت بها و‏..‏ أي‏..‏ بوس الفازة‏..‏ بوس الفازة‏..‏ ليك الفازة‏..‏آه‏..‏ اعزائي‏..‏ دي لا يمكن تكون فازهةده صاروخ

كاتيوشا نزل غلط علي دماغي‏..‏يوسف معاطي