معركة داخل جامعة عين شمس ::فيديو

تحول حرم جامعة عين شمس يوم الاربعاء إلى ساحة حرب حقيقية، بعد أن شن طلاب اتحاد الطلاب المعين ومعهم

حوالي 150 بلطجيًا- من خارج
الجامعة- مسلحين بقنابل المولوتوف والسنج والشوم هجومًا على طلاب "الاتحاد الحر"الذى يتمثل فى الاخوان

المسلمين وأعضاء مستقلين

من هيئة التدريس، ما أدى إلى إصابة نحو 20 طالبًا بإصابات مختلفة أحدهم حالته حرجة، هو الطالب إبراهيم صبحي الذي أصيب بجرح
غائر في الظهر جراء طعنه بزجاجة وتم نقله إلى قسم الاستقبال بمستشفي عين شمس التخصصي، الذي فرضت

إجراءات أمنية مشددة على

غرفته ومنع ضباط أمن الدولة السماح للأطباء بإسعافه في البداية


واسيبكم مع الفيديو تشوفوا وتحكم على رعاية الداخلية للبلطجية داخل الجامعة

ملاحظة:اذا لم يبدأ فى الفيديو فى التشغيل اذا
انت تواجه مشكلتين بطىء فى النت او لم يتم تثبيت برنامج فلاش ميكروميديا ادوبى وهنلاقيه على الموقع ده

www.adobe.com

انا مستغرب من الهجوم على الحجاب ؟ فى ايه؟؟

ملحووظة : الموضوع مكتوب قبل حكاية فاروق حسنى وانتقاده للحجاب

انا مستغرب من الهجوم العنيف على الحجاب والنقاب وعمرو خالد ده غير الهجوم اللى

على الاخوان ده حاجة هنبقى نتكلم فيها فى موضوع

لوحده وكأن القضايا بتاعت مصر كلها خلصت ومفيش الا الاسلام ويهاجموا .

انا مستغرب من المجلة اللى مش قادر اقول عليها اى وصف قذر يليق بيها نمشيها مجلة

الحكومة الزفتة روزا اليوسف ومهاجمة الاسلام

بجميع جوانبه مالكم انتوا ومال الحجاب والنقاب متشوفوا البنات والحريم اللى ماشين

بنص هدوم فى الشارع ومطلعين عين اهل الشباب من

مكانها , متشوفوا اللى بيبقى فى الاتوبيسات وطوابير الجمعيات والعيش واخرهم وسط البلد اللى كانت معجنة يعنى فيها ايه لو البنت لمت

نفسها شوية واتسترت ولبست كويس بعيدا عن انها ماشية بحجاب او النقاب او بشعرها

حتى المهم يكون فى حدود الادب والاحترام لكن

تيجوا وتهاجموا المحجبات وتقولهم ده تخلف ؟؟ عايزينهم يمشوا فى الشارع بال...بادى ستومك والمينى جيب عشان يعجبكوا يعنى

انا مستغرب من موقف السندريلا الجديدة منى ذكى بتشكر المجلة القذرة لأ وبتقولهم ايه

"بشكركم على حملتكم اللى قال ايه ..... هادفة

طب يا منى انتى متكلميش عن الحاجات الهادفة يا بتاعت خالتى فرنسا وكفاية المكينج

بتاع ابو على والاحضان وال..... ولا بلاش بلاش

والله كنت بحترمها لكن تيجى تقول فى المجلة القذرة دى ارحمونا من المتخلفين دول!!

طب حد يعرفنى مين اللى متخلف المحجبين ولا

الملتزمين ربنا يهديكى يا منى زى مهدى حلا شيحا وحنان ترك وغيرهم كتييير وقال ايه بتقول على صحف المعارضة المستقلة انهم

اصحاب فكر متطرف ؟

انا مستغرب من الصحافة كلها ؟؟ مجلات وصحف الحكومة من الحملة الغبية دى على

المنقبات والمحجبات انا مش بقلل من شأن البنات او

النساء اللى ماشية بشعرها فى محترمين منهم طبعا بس ده مش يعطى الحق لحثالة الصحافة انها تهاجم الحجاب بالطريقة الواطية دى

وجعلونى اشعر ان سبب مشاكل البلد كلها فى 3 حاجات الحجاب ,النقاب , واللى هنتكلم فيه دلوقتى وهو عمرو خالد ده غير الاخوان ليهم

موضوع نبحبح فيه براحتنا ونطلع الكبت اللى الحكومة معيشنا فيه بصحفها اللى لا تملك

غير تنفيذ اوامرها ومقالات على حسب المقاس .

انا مستغرب من انهم يقارنوا داعية مسلم وقس مسيحى انى عمرو خالد قال ايه كان

بيحضر متخفيا محاضرات للقس سامح موريس وانه

اقتبس منه طريقة سرده فى دروسه وعمرو بيعمل زيه طب ايه اللى يخلى عمرو خالد

يقلد او ميقلدش . الراجل ليه طريقة وسامح موريس

له طريقة اخرى خالص هو خلاص مش لاقيين اى تهمة او مصيبة يحطوها فى عمرو

خالد مطلعيين انه بيمثلوا ويقولك ظبط عمرو خالد

فى حالة تلبس والله مجلة مقرفة روز اليوسف لأ وايه كمان مطلعين على عدد المجلة

اربع صور متركبة بالكمبيوتر واضحة زى الشمس

ويقولك انى عرو خالد يدعو الى الاسلام على الطريقة الانجلية محسسنى انه ماسك

صليب وهو بيتكلم ياريت تهدوا اللعب شوية عشان فئة

المحجبات والملتزمين وعمرو خالد كمان متمسكين بأفكارهم السليمة وباعدوا انتوا

بافكار العلمانين بتاعتكم دى وانشروها لحد تانى 0

يارييييييييت وحياة اللى جابوكم تبصوا للبلد اللى بتتسرق وتتباع واللى عاملين يهربوا

بفلوس البلد ويهربوا على برا والتزوير فى البلد من

اول انتخابات اتحاد الطلبة فى جامعة القاهرة لحد التزوير مرورا بانتخابات مجلس

الشعب والنقابات الى انتخابات الرئاسة ومصايب مصر

الحبيبة كتير وعلى قفا من يشيل ياريت تختاروا مصيبة تتكلموا فيها بدل منتوا شاغلين

تفاهة وهيافة والشعب مش عبيط يعنى 0

وربنا ميحرمكم من التخلف يا اصحاب المعارضة الحكومية

ويجعله عاااااااااااااااااااااااااااااااااامر

التحرش الجنسى بالقاهرة :: فيديــــــو ::

والله انا اترددت كتير انى اكتب عن الموضوع ده لأنها حاجة تكسف ومازالت عاجز عن الكتابة فيه

ولكن بعد لما شفت اللى حصل بعد ماتش الاهلى ولما اخدوا الكاس وانا فى شارع جامعة الدول

العربية حبة من المتحرشين مسكوا بنتين وقدام الناس واتحرشوا بيهم حوالى 30 او 40 واحد ولا حد

عمل حاجة حتى الحكومة واقفة برده بتتفرج وكأن شىء لم يكن محسسنى نى البنات دول يهود مش مصريين

برده واللى هتتفرجوا عليه دلوقتى فى الفيديو مناظر للتحرش الجنسى فى وسط البلد تحت رعاية

الداخلية والحكومة والظباط عمالة تتفرج ومستمتعة باللى بيحصل





والمقطع التانى ده لفتاة داخل ستاد القاهرة وبعد الماتش كان فى مجموعة من المتحرشين من جمهور

وواقفين استنوها لما خرجت وقطعوا هدومها وفضلت واقفة بالهدوم الداخلية قدام الحكومة اللى

كانت رافضة انها تحميها بعد لما لجئت ليهم وغطت نفسها بالعلم بعد لما كانت مجردة من ملابسها




نيجى بقى للجكومة نشوف هما فالحين فى ايه وشاطرين يتبلطجوا على مين ؟؟المقطع ده بتاع شاب

من اسكندرية وبالتحديد من قسم المنتزة واللى الحكومة فالحة فيه انهم عاملين

يضربوا بالاقلام وخلاص !!




ونشوف الحكومة كمان بتعرف ترقص على ايه وهما فى وادى واللى بيحصل فى البلد واد تانى خالص

نشوف العسكرى والامين اللى معاهم وهما بيرقصوا وفرحانين كده ربنا يوكسهم زى موكسوا البلد



بعض المقاطع منقولة من مدونة مالك

" البنات وتمثيلية " مش عايزة اظلمك معايا

ممكن اصارحك بحاجة عايزة اقولك عليها من ساعة اول معرفتك ؟ طبعا الشاب! هيقولها اتفضلى قولى تقوم هيا قايلة انا من ساعة معرفتك

ليل ونهار عاملة افكر فيك وكل مسمع صوتك بحس انى فى عالم تانى وانا بصراحة كده "وبكل بجاحة" انا معجبة بيك اوى وبحبك وطبعا

الشاب فى الحالة دى وفى الزمن اللى احنا فيه ده مش هيتردد لحظة واحدة انه يقولها وانا كمان هو ممكن ميكونش متعلق بيها اوى او بيحبها

اساسا بس واحدة جاهزة يا معلم وبتقولك انا بحبك هيبقى رد فعلك ايه مثلا هتقولها استنى اخد رأى اهلى الاول لأ طبعا فرصة جتلك على

طبق من ذهب ومتترفضش . المهم لو الشاب هو اللى قال الكلمة دى و لبنت اقرب واسهل واسرع رد هتقوله احنا اخوات ومش بفكر

الحاجات دى دلوقتى والحوارات اللى كلنا عارفناها وطبعا بعد لما البنت قالت للشاب

الكلمتين بتوع معجبة وبحبك وقع هو كمان بخيبته طبعا

هيقع فى الفخ ده وطبعا البنت شايفه انه ولد لذيذ ودمه خفيف وستايل وكل بنت وذوقها وحابة

انها تشوف اللى قدامها ده نظامه ايه.

طبعا بعد كل ده الشاب لازم يتعلق بالبنت ويتشد اليها يوم ورا يوم وبعد لما كانت بتتصل بيه

وتبعتله مسجات ومتقدرش تنام الا على صوته

والحوارات دى اللى نصكم عارفها البنت بقيت تنفض وتنطش الشاب وطبعا هو منتظر

مكالمة قبل النوم ولا رنة حتى طب مسج ((كلمنى

وشكرا اللى هو ببلاش حتى)) مفيش الكلام ده خالص وبعد لما يأس انها هتتصل بيه يتصل

بيها هو ياما تكنسل او متردش او ترد وتقوله

نتكلم بعدين وطبعا الشاب هيتصدم بكل ده بعد لما كانت بتحبه وتموت فيه ومش قادرة على

بعده.

طب ايه اللى حصل لكل ده عشان تعمل كده فى الشاب اللى عملته ده!!

وانها كنت عبارة عن تمثيلية والحلقة الاخيرة بتاعتها كانت الكنسلة والتنفيض او انها لقت

ضحية تانى ابتدت معاه الحوار من الاول بتاع

عايزة اصارحك بحاجة ومعجبة وبحبك والكلام ده الافلام العربى الهابطة بتاعتنا ده وطبعا بعد لما الشاب وقع وحبها حب حقيقى مش

هاممها جرحه اهم حاجة عندها انا انها فرغت شحنة التمثيل والحب اللى عندها فى الشاب وربنا مع الشاب بقى وتنتهى بجملة مش عايزة

اظلمك معايا انتا 100 بنت تتمناك بس خلينا اخوات احسن وكل واحد يروح لحاله الشاب بجرحه وهيا بفرحتها انها تخلصت منه خلاص .

تيجى تقع فى شاب تانى وتعمل عليه حبتين الهسوكة بتاعت البنات دى وهو اساسا نفس نوعيتها وبيعمل التمثيليات دى مع بنات تانية وهنا

يمشى عليهم المثل بتاع مبروم على مبروم ميلفش بس شكله مع الشاب ده هيلف وهيلف حوالين رقبتها هيا وتعدى الايام وتمر اللياللى

وبعد لما الشاب كان شغال حب ودبايب وخروجات فى كل مكان ومرة واحدة خلاص شبع منها او زهق زى متيجى على دماغ كل شخص

بقى .المهم تتصل بيه يقولها انا حاسس انى هظلمك معايا وخلينا اخوات احسن وانتى شباب كتير يتمنوكى وكلام الهجس اللى بيتقال فى كل

حوار فركشة زى ده وربنا قادر على كل شىء وزى مضحكت على ناس ربنا بعتلها اللى

ضحك عليها وكسر قلبها.